Fáilte curtha ag an Aire Doyle roimh Cheapacháin Nua chuig Bord Bhord na gCon
Ó An Roinn Talmhaíochta, Bia agus Mara
Foilsithe
An t-eolas is déanaí
Ó An Roinn Talmhaíochta, Bia agus Mara
Foilsithe
An t-eolas is déanaí
Tá sé fógartha ag an Aire Stáit sa Roinn Talmhaíochta, Bia agus Mara, Andrew Doyle TD, go bhfuil roinnt ceapachán déanta chuig Bord Bhord na gCon.
Tá ceapachán beirt stiúrthóirí nua ceadaithe ag an Aire Creed agus ag an Aire Donohoe, an tUasal Gary Brown agus an tUasal Wayne McCarthy, chomh maith le hathcheapachán an Uasail Pat Creed.
Maidir leis na ceapacháin, dúirt an tAire Doyle:
"Trí na daoine seo a cheapadh cinnteofar go ndéanfar Bord na gCon a rith go maith agus a mhaoirsiú mar is cuí sa tréimhse atá díreach romhainn. Tá riar scileanna faoi leith acu agus bainfidh an tionscal an-leas as an taithí ghairmiúil atá acu, beidh daoine nua ag oibriú le daoine a bhfuil go leor taithí acu, rud a chuideoidh leis an eagraíocht seo a stiúradh ar bhonn seasmhach agus inmharthana. Guím gach rath orthu ina misean chun rásaíocht chon agus tionscal póraithe inbhuanaithe a chur chun cinn, a chruthóidh poist agus a chuirfidh an méid agus is féidir le geilleagar na hÉireann agus fócas láidir a choinneáil ar shláine agus ar leas ainmhithe."
Rinneadh na ceapacháin i ndiaidh próiseas roghnaithe iomaíoch arna reáchtáil ag an tSeirbhís um Ceapacháin Phoiblí a deir an tAire Doyle.
Dúirt an tAire Doyle chomh maith:
"Beidh dúshláin mhóra roimh an tír seo sna blianta amach romhainn, go háirithe i gcomhthéacs an Bhreatimeachta, agus bainfidh Bord na gCon tairbhe as bord ina gcuimsítear daoine a bhfuil scileanna den scoth acu."
Is mar seo a leanas na ceapacháin:
Is ceapachán nua chuig an mBord é an tUasal Gary Brown. Is comhalta é ar Bhord JWT Folk faoi láthair. Gníomhaireacht fógraíochta í JWT Folk atá ar cheann de na gníomhaireachtaí fógraíochta is mó sa tír. Tá saineolas fiúntach aige i margaíocht agus i bhfógraíocht.
Is ceapachán nua chuig an mBord é an tUasal Wayne McCarthy freisin. Is bainisteoir sinsearach é i Permanent TSB agus tá go leor taithí aige san earnáil airgeadais.
Is athcheapachán chuig an mBord é an tUasal Pat Creed. Tá taithí fhairsing aige i mbainistíocht riosca.
CRÍOCH