Clinicí BPS Ar Líne fógartha ag an Aire Creed d'iarratais ar líne 2019
Ó An Roinn Talmhaíochta, Bia agus Mara
Foilsithe
An t-eolas is déanaí
Ó An Roinn Talmhaíochta, Bia agus Mara
Foilsithe
An t-eolas is déanaí
Tá achoimre tugtha inniu ag an Aire Talmhaíochta, Bia agus Mara, Michael Creed TD, ar phleananna maidir le tuilleadh tacaíochtaí chun cúnamh a thabhairt d'fheirmeoirí a gcuid iarratas ar Scéim na hÍocaíochta Bunúsaí (BPS) 2019 agus Aistriú Teidlíochtaí a dhéanamh ar líne.
I mí Feabhra osclaíodh an próiseas iarratais ar líne do 2019 agus dúirt an tAire:
"Tá ríméad orm a fheiceáil go bhfuil iarratais ar líne déanta cheana ag líon mór feirmeoirí ó d'fhógair mé go raibh an tréimhse le hiarratas a dhéanamh do 2019 le hoscailt níos luaithe ná mar a bhí beartaithe. Tá iarratais ar líne déanta cheana féin ag níos mó ná 20,000 feirmeoir i mbliana.”
Dúirt an tAire freisin:
"Ní mór, faoi rialacháin an AE, na hiarratais a chur ar aghaidh ar líne. Is ar líne a rinne feirmeoirí ar fad na hÉireann iarratas anuraidh den chéad uair agus léiríonn sin an réimse buntáistí atá ann do na feirmeoirí iarratais a dhéanamh ar líne. Le blianta beaga anuas, tá clinicí BPS ar líne curtha i bhfeidhm ag mo Roinn ar fud na tíre inar féidir le feirmeoirí bualadh le duine de na baill foirne chun a n-iarratas BPS a dhéanamh díreach ansin. Bhí an-tóir ar na clinicí seo i measc feirmeoirí, agus táim sásta a fhógairt go mbeidh an tseirbhís chéanna á cur ar fáil arís i mbliana.”
Tá na gnéithe ar fad a bhaineann leis na Scéimeanna Íocaíochta Dírí (BPS, Glasú, Scéim na bhFeirmeoirí Óga, Cúlchiste Náisiúnta, aistriú teidlíochta, agus Scéim na Limistéar faoi Shrianta Nádúrtha) anois ar fáil ar líne. Cuidíonn seo a chinntiú gur féidir leis an Roinn gach iarratas faoi na scéimeanna a phróiseáil chomh héifeachtach agus is féidir.
Sa chás gur mian le feirmeoirí teagmháil a dhéanamh leis an Roinn maidir le hiarratas a dhéanamh ar líne, féadfaidh siad sin a dhéanamh ach glaoch ar:
Dúirt an tAire ar deireadh:
Mholfainn do gach feirmeoir leas a bhaint as an deis iarratas a dhéanamh ag an tráth seo ar an BPS tríd an gcóras ar líne. Tá sé ar fáil d'fheirmeoirí chun sin a dhéanamh iad féin nó trí ghníomhaire."
Chomh maith leis sin beidh foireann ar fáil in Oifigí na Roinne i bPort Laoise, Co Laoise chun bualadh le feirmeoirí chuile lá i rith na seachtaine as seo go dtí dáta dúnta an BPS an 15 Bealtaine 2019.
CRÍOCH