Ó An Roinn Talmhaíochta, Bia agus Mara
Foilsithe
An t-eolas is déanaí
D'fháiltigh an tAire Talmhaíochta, Bia agus Mara, Michael Creed, T.D. inniu roimh an gcomhaontú suntasach atá déanta idir an AE agus an tSín maidir le Táisc Gheografacha a Chosaint.
Dúirt an tAire Creed; “Áirítear sa gcomhaontú seo 2 Thásc Gheografacha Éireannacha - Uisce Beatha Éireannach agus Uachtar Éireannach, ar táisc iad anois a mbeidh cosaint acu faoin dlí sa tSín ar chomórtas éagórach ó tháirgí bréige, atá faoi bhun an chaighdeáin, a dtugtar le fios orthu gur táirgí "de chuid na hÉireann" iad. Tá sé seo ríthábhachtach chun tacú le honnmhairiú táirgí na hÉireann a mhéadú amach anseo. Tá buíochas tuillte ag an gCoimisinéir Phil Hogan as na hidirbheartaíochtaí casta seo a chur i gcrích.”
Anois agus na hidirbheartaíochtaí curtha i gcrích, cuirfear an comhaontú ar aghaidh chun grinnscrúdú dlí a dhéanamh air. Iarrfar ar Pharlaimint na hEorpa agus ar an gComhairle é a cheadú ansin san AE. Táthar ag súil go mbeidh an comhaontú seo i bhfeidhm roimh dheireadh na bliana 2020.
D'fhógair an tAire Creed go dtabharfaidh sé cuairt ar an tSín an tseachtain seo chugainn chun táirgí bia agus dí na hÉireann a chur chun cinn sa bpríomh-mhargadh seo agus beidh Ambasáid na hÉireann i mBéising, a Roinn féin agus Bord Bia iad féin rannpháirteach. “Cuirfidh an chuairt seo leis an dul chun cinn atá déanta le gairid cead a thabhairt do 14 mhonarcha mairteola a gcuid táirgí a onnmhairiú chuig an tSín. Cuirfidh sin le hacmhainn na hÉireann freastal ar an éileamh níos mó atá sa tSín ar mhairteoil atá ar ardchaighdeán, atá sábháilte agus a dhéantar a tháirgeadh ar bhealach inbhuanaithe" a dúirt an tAire Creed mar fhocal scoir.
Nótaí d'Eagarthóirí
Clár oibre na cuairte trádála
Dé Luain an 11 Samhain - Shanghai a bhaint amach
Dé Máirt an 12 Samhain - cruinnithe gnó le custaiméirí tábhachtacha sa tSín, seimineár agus cur i láthair maidir le mairteoil na hÉireann; taisteal chuig Béising deireanach sa tráthnóna
Dé Céadaoin an 13 Samhain - cruinnithe gnó le custaiméirí tábhachtacha; preasagallamh agus imeacht bolscaireachta do mheáin na Síne in Ambasáid na hÉireann i mBéising, imeacht deireadh an tráthnóna
CRÍOCH