Clár Ambasadóirí Chumann Foraoiseoirí na hÉireann seolta ag an Aire Doyle i gCo. Chill Mhantáin
Ó An Roinn Talmhaíochta, Bia agus Mara
Foilsithe
An t-eolas is déanaí
Ó An Roinn Talmhaíochta, Bia agus Mara
Foilsithe
An t-eolas is déanaí
Sheol Andrew Doyle T.D., an tAire Stáit sa Roinn Talmhaíochta, Bia agus Mara Clár na nAmbasadóirí Foraoiseachta inniu i gColáiste Pobail na Craobhaí, Ráth Droma, mar chuid de Sheachtain na hEolaíochta 2019. Tá sé mar aidhm leis an gclár, arna reáchtáil ag Forestry Careers Ireland, foraoiseacht a chur chun cinn mar ghairm bheatha do dhaltaí dara leibhéal. Is ceann de 15 thionscadal arna maoiniú ag DAFM faoi ghlaoch 2019 na Roinne ar thograí chun foraoiseacht a chur chun cinn é Clár na nAmbasadóir Foraoiseachta.
Dúirt an tAire Doyle “Táim an-sásta an tionscadal seo a sheoladh, atá dírithe ar dhaoine óga a spreagadh smaoineamh faoi ghairm bheatha san fhoraoiseacht. Tá Seachtain na hEolaíochta dírithe ar an athrú aeráide agus is cuid lárnach de fhreagra an Rialtais faoin bPlean Gníomhaíochta ar son na hAeráide í an fhoraoiseacht. Tá a fhios agam go bhfuil daoine óga an-eolach ar an éigeandáil aeráide atá romhainn agus go bhfuil fonn orthu a gcuid féin a dhéanamh le réitigh a aimsiú”.
Bunaíodh Forestry Careers Ireland chun tionscnaimh a fhorbairt chun gairmeacha beatha a chur chun cinn in earnáil na foraoiseachta agus tá sé comhdhéanta d'ionadaithe ó Chumann Foraoiseoirí na hÉireann, an Roinn Talmhaíochta, Bia agus Mara, Coillte, VEON Ltd., Teagasc, UCD, WIT agus ó Choláiste Bhéal Átha hÉis. Tá sé i gceist leis an gclár feasacht a ardú faoi na buntáistí tábhachtacha a bhaineann le foraoiseacht agus le foraoiseacht mar ghairm bheatha trí shraith cur i láthair atá le tabhairt ar bhonn deonach i scoileanna ar fud na hÉireann ag gairmithe foraoiseachta a bhfuil taithí acu.
Tá roinnt gairmithe foraoiseachta fostaithe faoin gclár ar a dtugtar ‘Ambasadóirí Foraoiseachta’ a dhéanfaidh cuir i láthair do dhaltaí sa tsraith shinsearach ar fud na tíre chun achoimre a thabhairt ar na buntáistí a bhaineann le foraoisí, an eolaíocht atá taobh thiar d'fhoraoisí a fhás agus na deiseanna gairme éagsúla atá ar fáil i ngairm na foraoiseachta, bunaithe ar a gcuid gairmeacha agus taithí féin.